Info / Gwybodaeth

Prisiau Tocynnau:  £22

Cyngerdd Arbennig sy’n Ail-greu Clasuron Bythol Queen  

Yn y cyngerdd hwn, bydd y band teyrnged Queen sy’n enwog ar draws y byd, The Bohemians, yn mynd â chi ar daith emosiynol a llawn egni, sy’n cynnwys holl glasuron un o’r perfformwyr roc mwyaf poblogaidd ac eiconig yn ein hanes.

Caiff The Bohemians eu hadnabod fel ”y Band Teyrnged Queen mwyaf cyffrous y Byd”, mae’r egni a’r bwrlwm yn llifo drwy eu perfformiadau.

Bydd eu cynhyrchiad clyweledol, credadwy a bombastig  o berfformiad eiconig Queen yn Wembley ym 1986 yn cydio ynoch chi o’r eiliad gyntaf wrth i’r perfformwyr gyrraedd y llwyfan a gosod y safon gyda’r caneuon arbennig, One Vision ac A Kind of Magic. Mae pob un o’u clasuron penigamp wedi’u cynnwys, o ganeuon piano a harmonïau hudol eu blynyddoedd cynnar, megis Killer Queen a Don’t Stop Me Now, i’w hanthemau pop cofiadwy yn yr wythdegau.

Bydd ail ran y cyngerdd yn canolbwyntio ar y clasuron diweddarach, ac mae gymaint i ddewis ohonynt!

Breakthru yw’r gân agoriadol fendigedig a fydd yn cyflwyno’r gwisgoedd ar gyfer yr ail ran o’r sioe, sy’n cynnwys nodwedd newydd o sioe’r Bohemians, sef perfformiad slic o’r clasuron o ddiwedd yr wythdegau i ddechrau’r nawdegau.   I Want it all, The Show must go on a’r gân hudol, Days of our Lives, dyma rai o’r campweithiau sydd wedi’u cynnwys yn y sioe.

Yn dilyn hynny, bydd y band yn ail-greu perfformiad enwog a gogoneddus Queen yn Live Aid, ac wrth gwrs, Bohemian Rhapsody. Bydd pob un ohonoch ar eich traed yn dawnsio, canu a chlapio wrth iddynt gloi’r sioe arbennig drwy ddychwelyd i Wembley ’86 ac ail-greu’r clasuron enwocaf, fel  We Will Rock You ac We Are the Champions. Diweddglo perffaith i sioe deyrnged hynod gofiadwy Band Roc gorau’r byd.

Tickets / Tocynnau

£22

Schedule

Dydd Gwener 1 Gorffennaf, 2022 @ 7.30pm

Location / Lleoliad